متابعة- بتول ضوا
ما زالت عائلة الفنان محمد قنوع الذي غيبه الموت في ثاني أيام العيد تعيش صدمة رحيله ولا سيما ابنتاه ماسة ومايا.
وحتى الآن ما زالت الفتاتان تنعيان والدهما بكلمات مؤثرة، حيث نشرت مايت قنوع عبر حسابها على فيسبوك صورة تجمعها بوالدها وهي طفلة صغيرة. وعلقت عليها: “وَبَشِّرِ الصَّابِرِين َالَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}. صدق الله العظيم…”. وأضافت: “لله ما أخذ.. وله ما أعطى.. وكل شيء عنده بأجل مسمى.. وإن القلب ليحزن والعين لتدمع.. ولا نقول إلا ما يرضي الرب..”.يا بابا يا بابا مابدي اكتب و بحياتي ما توقعت نزل هاد البوست.. الحكي ولاااشي يا حبيبي ولاشي..”.
“مابدي اتقبل و مابدي استوعب..مابدي صدق يا بابا مابدي صدق.. الحمدلله رب العالمين على كل شي.. بس صعب كتير يا بابا والله كتير صعب..أنا مالي منيحة ابدا يا بابا ابدا.. عم نحكي كنا أنا و انت ايمت بدك تجي ع مشروع تخرجي.. و كيف بدك تفوتني على عرسي.. و كتيير كتير قصص صارت ناقصة يا بابا.. يمكن أنا و أنت حطينا غنية بنت أبويا و رقصنا عليا متل مو متفقين نعمل هيك بعرسي..الله يرحمك يا حبيبي.. الله يرحمك يا سندي و ضهري.. الله يرحمك يا رفيقي..يا بابا يا حنون يا كريم..”.
“يا بابا والله نكسرت كتيير …رح ضل كل يوم استناك بالليل حتى تبعتلي نايمة و ئلك لا و افتحلك الباب و نحط مسلسل أنا و أنت.. رح ضل كل ما اطلع برا البيت استناك تجي تاخدني عالبيت و نتخانق عالطريق عالأغاني”.
“كل سنة بيوم ميلادي رح استناك تقلي يا فرحتي الأولى مايا….و قصص كتيير كتير….يا أحن أب بالعالم..لا حول ولا قوة الا بالله.. كل الدنية عم تحكي عنك يا حبيبي و اديه انت منيح.. كلشي حكو بس ماحدا بيعرف يا بابا.. ما حدا بيعرف شي..كل الحكي و الكتابة قليلة كتير.. كتير قليلة..كل حياتي معك كانت عز.. حتى جنازتك يا حبيبي عز الدنية كلا يا بابا مارح تعوضني.. والله يا بابا مابعرف كيف بدي عيش والله.. انا بحبك اكتر وحدة بالدنية يا حبيبي و انت بتعرف هاد الشي..ورح استناك.. الله يرحمك يا كلشي بحياتي
وتفاعل الكثير من رواد السوشيال ميديا هذا الرثاء متمنين لها الصبر والسلوان